काठमाडौँ । सुन्दरी प्रतियोगिता आयोजना गरी युवतीलाई बलात्कार गरेको आरोपमा पक्राउ परेका मनोज पाण्डेलाई थप ७ दिन हिरासतमा राख्न अनुमति दिएको छ ।

जिल्ला अदालत काठमाडौंले आरोपी पाण्डेलाई थप ७ दिन हिरासतमा राख्न प्रहरीलाई अनुमति दिएको हो । सोमबार जिल्ला अदालत काठमाडौंले अनुसन्धानका लागि प्रहरीलाई थप समय दिएको हो ।

पाण्डेमाथि शरीर बन्धक र बलात्कारको आरोप रहेको छ । उनलाई प्रहरीले गत जेठ ७ मा काठमाडौंको स्वयम्भूबाट पक्राउ गरेको थियो ।

पाण्डेले आठ वर्षअघि एभरेष्ट होटलमा बन्धक बनाएर बलात्कार गरेको पीडित युवतीको आरोप छ ।