काठमाडौं । होटल संघ नेपालले प्लास्टिकजन्य सामानको प्रयोग सकेसम्म नगर्ने गरी अभियान चलाउने भएको छ । आफुसाग आवद्द रहेका होटलहरुका कोठामा कम भन्दा कम प्लास्टिकजन्य सामानको प्रयोग सकेसम्म नगर्ने गरी अभियान घोषणा गरेको हो ।
होटल संघले पत्रकार सम्मेलन गरेर यस्तो अभियानको घोषणा गरेको हो ।

विश्वमा व्यापक रुपमा फैलिएको जलवायु परिवर्तनको असरलाई न्यूनीकरण गरी यसबाट बाँच्न र बचाउनका लागि हामी सबै जागरुक हुनु पर्ने भन्दै होटल संघले जलवायु र यसको मानव जीवनमा पर्ने नकारात्मक प्रभावप्रति सवैं सचेत हुनु आवश्यक रहेको बताउको छ ।

‘कोभिडपछिको पर्यटनलाई तीब्र गतिमा लयमा फर्काउने उद्देश्यले होटल संघ नेपालले होटलका कोठाहरुमा दैनिक रुपमा प्रयोग हुने प्लास्टिकजन्य वस्तुलाई न्यूनीकरण गर्न “Campaign to Eliminate Single-Use Plastic from Hotel Rooms” सम्बन्धी औपचारिक कार्यक्रम घोषणा गरेका हौं,’ होटल सघ नेपालले भनेको छ ।

प्लास्टिकको झोला, स्ट्र, कफी स्टिरर, सोडा र पानीका बोतलहरू र प्याकेजिङ जस्ता वस्तुहरु फ्याँक्नु अघि एक पटक मात्र प्रयोग गरिन्छ । आँकडा अनुसार हरेक वर्ष करिब ३ सय मिलियन टन प्लास्टिक उत्पादन हुन्छ भने यसको आधा मात्र डिस्पोजेबल हुने देखिन्छ ।

होटलका कोठामा प्रयोग हुने प्लास्टिकजन्य वस्तुहरुलाई न्यूनीकरण गरी विश्वव्यापी रूपमा हरित आतिथ्यता उद्योगको परिकल्पना गरिएको छ । यसलाई निरन्तरता दिँदै होटल संघ नेपालले वातावरणीय दिगोपनाका लागि होटेलका कोठाहरूमा एकल प्रयोग हुने प्लास्टिक वस्तुहरूको विकल्प खोजेको जनाएको छ ।

संघले आफ्ना क्षेत्रीय संघका अध्यक्षहरू र कार्यकारी समितिका सदस्यहरूसँग एक कार्यशाला आयोजना गरेर वैकल्पिक उत्पादनहरू प्रदर्शन गरी सचेतना फैलाउने प्रतिबद्धता जनाएको छ ।

सोही अभियानलाई केन्द्रित गरी कम भन्दा कम लागतमा पाहुनाहरुलाई सत्कार गरी वातावरणीय अनुकुलतालाई प्राथमिकतामा राखी पर्यापर्यटनमैत्री उत्पादनहरुको प्रयोगलाई अगाडि बढाइएको संघले जनाएको छ ।

बुकिङ डट कमले प्रकाशित गरेको रिपोर्टमा ६८ प्रतिशत पाहुनाहरु पर्यावरणमैत्री होटलहरु पर्यटकले रुचाउने गरेको देखिन्छ । विश्वव्यापी रुपमा ८७ प्रतिशत पर्यटकहरु दिगो यात्राका लागि तयार रहेको देखिन्छ ।

‘होटललाई वातावारणमैत्री प्रविधि प्रयोग गरेर सुविधा सम्पन्न होटलमार्फत वातावरण र दिगो विकासमा उल्लेख्य योगदान पुग्ने हामीले ठानेका छौं,’ होटल संघले भनेको छ,–‘हाम्रो लक्ष्य भनेको होटलहरुमा अत्याधुनिक वातावरणमैत्री प्रविधि नै प्रयोग गर्ने योजना रहेको छ र यस महान अभियानलाई नेपालमा हरित पर्यटनको प्रवद्र्धकको रूपमा नेपालमा दिगो पर्यटन र विश्वव्यापी रूपमा यसको प्रतिस्पर्धात्मक ब्रान्डिङमा योगदान पु¥याउने सबै सरोकारवालाहरूका साथै राज्यबाट सहयोग हुने अपेक्षा लिएका छौं ।’