काठमाडौँ । नाबालिग गायिकालाई बलात्कार गरेको आरोपमा हिरासतमा रहेका अभिनेता पल शाहको पक्षमा आन्दोलन भएको छ । उनको रिहाइ गर्न माग गर्दै आन्दोलन सुरु भएको हो ।

‘हाम्रो टिम नेपाल’को अग्रसरमा आज काठमाडौँको माइतीघर मण्डलामा विरोध प्रदर्शन भएको हो । आन्दोलनमा सहभागी युवायुवतीले पुरुषमाथिको हिंसा अन्त्य गर्न माग गरेका थिए ।

प्रदर्शनकारीले पल शाहलाई न्याय दिनु पर्ने, पुरुष माथिको अधिकार सुनिश्चित गर्नु पर्ने, पुरुष हिंसा अन्त्य गर्नु पर्ने माग राख्दै नारा लगाएका थिए ।

प्रदर्शनकारीले भोलि पनि अभिनेता शाहको पक्षमा आन्दोलन गर्ने भएको छ । भोलि नायिका पुजा शर्मालगायत कलाकार सहभागी हुने भएका छन् ।

अभिनेता शाहलाई जिल्ला अदालत नवलपरासी र जिल्ला अदालत तनहुँले थुनामा राखेर अनुसन्धान गर्न आदेश दिएको छ । सोही आदेशलाई उच्च अदालत पोखराले हिजो सदर गरेको थियो ।