काठमाडौँ । कर्णाली प्रदेश सरकारले आगामी आर्थिक वर्ष २०७९–८० को नीति तथा कार्यक्रम प्रस्तुत गरेको छ । आज प्रदेश प्रमुख तिलक परियारले नीति तथा कार्यक्रम प्रदेश सभामा पेश गरेका हुन् ।

सार्वजनिक नीति तथा कार्यक्रममा मुख्यमन्त्रीसँग जोडिएका अधिकांश पुराना कार्यक्रमले निरन्तरता पाएको छ । अघिल्लोपटक लोकप्रिय पाएको कर्णाली उज्यालो कार्यक्रमलाई पनि निरन्तरता दिइएको छ ।

यस्तै, खेलकुद पूर्वाधारका क्षेत्रमा र प्रदेश रंगशालालाई निरन्तरता दिइएको छ । पश्चिम सुर्खेतको सालकोट प्राथमिक स्वास्थ्य केन्द्रलाई ५० शय्याको अस्पतालका रुपमा विकास गरिने नीति तथा कार्यक्रममा उल्लेख छ ।