काठमाडौँ । जेजीआई नेपाल फाउण्डेसनले संस्थागत सामाजिक उत्तरदायित्वअन्र्तगत कार्य सम्पादन गर्न नेपाली सेनाको हिमाल सफाइ अभियानलाई १५ लाख सहयोग स्वरुप प्रदान गरेको छ ।

नेपाली सेनाले अन्य सरकारी निकाय र निजी क्षेत्रसँगको सहकार्यमा दुईवटा हिमाल सफाइ अभियान (२०१९ र २०२१) सफलतापूर्वक सञ्चालन गरेको छ । यसैगरी पर्वतीय सरसफाइको अभियान २०२२ मा नेपालको चार हिमालय (सगरमाथा, ल्होत्से, कञ्चनजङघा र मनास्लुुबाट) ३५ टन हिमाली फोहोर संकलन गरी पुनः प्रयोग गर्ने लक्ष्य राखेको छ ।

जेठ २२ गते विश्व वातावरण दिवसको दिन यो हिमाल सफाइ अभियान २०२२ सफलतापूर्वक सम्पन्न भएको थियो । जेजीआई नेपाल फाउण्डेसन विजयकुमार शाह र जावलाखेल गु्रप अफ इन्डस्ट्रिजले संस्थागत सामाजिक उत्तरदायित्वअन्र्तगत कार्य गर्नका निमित्त स्थापना गरेको संस्था हो ।

शिक्षा, स्वास्थ्य, खेलकुद, सामाजिक सहयोग, लैङ्गिक समानता र वातावरणको क्षेत्रमा यस संस्थाले मद्दत गर्ने छ ।