काठमाडौँ । लायन्स क्लब इन्टरनेशनल ३२५ ए वानले राष्ट्रपति विद्यादेवी भण्डारीको प्रमुख आतिथ्यतामा लायन्स क्लबका संस्थापक सदस्यलाई सम्मान गरेको छ । क्लबले के एल दुगड र मूलचन्द्र राठीसँगै अन्य ६ जना समाजसेवीलाई सम्मानित गरेको हो ।

सम्मानित हुनेहरूमा लोकतान्त्रिक योद्धा ईन्दु नौलखा, समासेवी एवं उद्योगी व्यवसायीहरू शेषनारायण श्रेष्ठ, मुकुन्दराज पाण्डे र नन्द किशोर राठी रहेका छन् । कार्यक्रममा राष्ट्रपति भण्डारीले क्लब इन्टरनेशनलले विशेषत बालबालिका क्षेत्रमा काम गर्नु पर्ने बताएकी थिइन् ।

उनले लायन्स क्लबका संस्थापक र लोकतान्त्रिक योद्धा नौलखालाई सम्मान गर्न पाउँदा आफू गौरवान्वित भएको प्रतिक्रिया दिएकी थिइन् । यसअघि उनले यही विषय उल्लेख गरेकोमा लायन्स क्लब ३२५ ए वानले अहिलेसम्म ४ सयभन्दा बढी विद्यार्थीहरूलाई छात्रवृत्ति प्रदान गर्दै आइरहेको बताइएको थियो ।

उक्त अवसरमा सम्मानित भएकी इन्दु नौलखाले आफ्नो विवाहमा आएको सय तोला सुन नेपाली कांग्रेसलाई दिएको बताएकी थिइन् ।