काठमाडौं । गायिका प्रतिमा केसी र गायक सुरेन चन्दको स्वरमा ‘राधा प्यारी’ गीत सार्वजनिक भएको छ । इनाक्सी युट्युब च्यानलबाट विहिबार उक्त म्युजिक भिडियो सार्वजनिक गरिएको हो ।

सिएल शर्मा, सानी विश्वकर्मा र राकेश ओलीले कोरस मेल भोकल दिएका छन् । यस्तै स्मृती साही र पुष्पा बोहोराले कोरस फिमेल भोकल दिएका छन् । गीतमा सिएल शर्माको शब्द र संगीत रहेको छ । गीतको एरेन्ज विश्व अधिकराले गरेका हुन् ।

किशोर थापाको मिक्सिङ मास्टरिङ रहेको गीतको भिडियोमा पछिल्लो समयकी चर्चित मोडल गरिमा शर्माको बेजोड अभिनय देख्न सकिन्छ । भिडियोमा गरिमालाई प्रिन्स चौहानले अभिनयमा साथ दिएका छन् ।

भिडियोमा राधाको भूमिकामा देखिएकी गरिमा कृष्ण बनेका प्रिन्ससँग खुलेकी छिन् । एक प्रेमील जोडीको रमाइलो र सफल प्रेम कथा बोल्ने गीतको निर्देशन विक्रम चौहानले गरेका हुन् भने भिडियोमा कोरियोग्राफी पनि निर्देशक स्वयंकै छ । भिडियोलाई मिलन विश्वकर्माले सम्पादन गरेका हुन् भने छायांकन प्रकाश खड्काले गरेका छन् ।

पछिल्लो समय गायिका केसीको स्वरमा गीत बजारमा आउने क्रम जारी छ । केहीदिन अघि मात्र उनकै स्वरमा ‘खै कसरी’ बोलको गीत सार्वजनिक भयो ।

यसअघि प्रतिमाले मुटुको कप्टेरा, भन्देउ हजुर, माया लाइसको, फसल पाक्यो है, संसारको चाललगायत गीतमा स्वर दिएकी छिन् ।

हेर्नुहाेस् भिडियाे