चितवन । जिल्लाको माडीमा इनार सफा गर्ने क्रममा दुई जनाको मृत्यु भएको छ । माडी नगरपालिका ७ देवेन्द्रपुरमा स्थानीय रिता रेग्मीको घरको इनार सफा गर्ने उनीहरूको मृत्यु भएको जिल्ला प्रहरी कार्यालय चितवनले जनाएको छ ।

घरको भित्र प्यासेजमा रहेको इनार सफा गर्ने क्रममा माडी ८ बस्ने २५ वर्षका सूर्य गुरुङ र सोही ठाउँ बस्ने ३० वर्षका शिव राईको मृत्यु भएको हो ।

दुवै जनामा अक्सिजनको कमी भई मृत्यु भएको प्रहरीको अनुमान छ । उनीहरूको शव पोष्टमार्टमका लागि भरतपुर अस्पतालमा राखिएको छ ।