काठमाडौँ । जिल्ला समन्वय समिति (जिसस) इलामको प्रमुखमा एमालेका उम्मेदवार जयप्रकाश राई विजयी भएका छन् । उपप्रमुखमा नेकपा एकीकृत समाजवादीका उम्मेदवार चित्रकला बराइली निर्वाचित भएकी छन् ।

प्रमुखमा निर्वाचित राईले नेपाली कांग्रेसका विमल वैद्यलाई हराउँदै विजयी भएका हुन् । उपप्रमुखमा एकीकृत समाजवादीका चित्रकला बराइलीले कांग्रेसकी कमला अधिकारी बराललाई हराउँदै विजयी भएकी हुन् ।

प्रमुखमा एमालेका राईले १२ मत प्राप्त गर्दा उपप्रमुखमा एकीकृत समाजवादीका बराइलीले १३ मत प्राप्त गरेकी थिइन् । सदस्यमा एमालेका प्रेमराज गुरुङ, शेरबहादुर खालिङ, रामप्रसाद लिम्बू, सीता कार्की र मीनाकुमारी राई निर्वाचित भएका छन् ।

एकीकृत समाजवादीका तृष्णा लोहार र सपनादेवी राई शेर्पा निर्वाचित भएका छन् ।
जिसस निर्वाचनमा इलाममा एमाले र समाजवादीले तालमेल गरी उम्मेदवारी मनोनयन दर्ता गराएको थियो ।