काठमाडौँ । काठमाडौं महानगरको नीति तथा कार्यक्रम सार्वजनिक हुने भएको छ । आज दिउँसो ३ बजे राष्ट्रिय सभागृहमा हुने नगर सभामा नीति तथा कार्यक्रम प्रस्तुत हुने भएको हो ।

नीति तथा कार्यक्रमको आधारमा असार १० गते आर्थिक वर्ष २०७९–८० को बजेट आउने छ । स्वतन्त्र उम्मेदवार मेयर बालेन्द्र साह (बालेन)ले कस्तो नीति तथा कार्यक्रम र बजेट ल्याउछ भन्ने विषय चासो बनेको छ ।

नीति तथा कार्यक्रमबारे छलफल गर्न आजै बिहान नगरको कार्यपालिकाको बैठक बसेको थियो । अघिल्ला बैठक लाइभ भए पनि यसपटक भने अनौपचारिक भएकाले लाइभ नगरिएको मेयर साहको सचिवालयले जनाएको छ ।