काठमाडौँ । नेकपा एकीकृत समाजवादीका अध्यक्ष माधवकुमार नेपालसँग चिनियाँ कम्युनिष्ट पार्टी (सीपीसी)का विदेश विभाग प्रमुख लिउ जियानचाओले भेट गर्ने भएका छन् ।

मंगलबार दिउँसो चार बजे होटल एभरेष्टमा अध्यक्ष नेपाल र नेता लिउबीच भेट वार्ता हुने भएको स्रोतले जानकारी दिएको हो । नेता लेउले मंगलबार नै नेकपा एमालेका अध्यक्ष केपी शर्मा ओलीसँग भेटवार्ता गरेका थिए ।

आइतबार चार दिने नेपाल भ्रमणमा आएका नेता लिउले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग सोमबार भेटवार्ता गरेका थिए ।

यस्तै, प्रधानमन्त्री तथा नेपाली कांग्रेसका सभापति शेरबहादुर देउवासँग आइतबार भेट गरेका थिए ।