काठमाडौं । नेपालको चार दिने भ्रमणमा रहेको चिनियाँ कम्युनिस्ट पार्टी ९सीपीसी० का विदेश विभाग प्रमुख लिउ चियानछाओ नेतृत्वको टोली राष्ट्रपति कार्यालय शित्तल निवास पुगेको छ । शित्तल निवासमा अहिले केही बेर देखि राष्ट्रपति विधादेवी भण्डारी र चिनियाँ कम्युनिष्ट पार्टीका नेता लिउवीच भेटवार्ता शुरु भएको हो ।

यो भेट अगाडी चिनियाँ नेताहरुले बुढानिलकण्ठ नगरपालिकाको वडा नम्बर ८ भंगालमा एमालेका स्थानीय नेताहरुसँग भेटघाट गरेका थिए । राष्ट्रपतिसँगको भेटपति लिउ नेतृत्वको टोलीले माओवादी केन्द्रका स्थानीय नेताहरुसँग भेटन अनामनगरमा रहेको पार्टीको क्षेत्रयि कार्यालयमा भेट गर्नेछ ।

लिउ नेतृत्वको टोली आजै स्वदेश फर्किनेछ । आइतबार नेपाल भ्रमणमा आएको टोलीले सोही दिन प्रधानमन्त्री तथा नेपाली कांग्रेसका सभापति शेरवहादुर देउवा, परराष्टमन्त्री नारायण खड्का सँग भेटवार्ता गरेका थिए ।

सोमबार उनले माओवादी केन्द्रका अध्यष प्रचण्ड सहितको माओवादी टोलीसँग भेट गरेका थिए । मंगलबार एमाले अध्यक्ष केपी ओलीसहितका नेता, एकीकृत समाजवादीका सम्मानित नेता झलनाथ खनाल, अध्यक्ष माधव नेपालसँग भेट गरेका थिए ।
भेटमा चिनियाँ टोलीले मुख्यत ४ वटा सन्देश दिइरहेका छन् ।

पहिलो , नेपाल अमेरिकातिर नढल्कियोस् भन्ने हो, दोस्रो, चीनविरोधी गतिविधि हुन भएन, तेस्रो, वामपन्थीहरू मिल्ने दिशातिर जानुपर्ने र चौथो, यही गठबन्धन कायम रहे आगामी निर्वाचनमा कांग्रेसको नेतृत्वमा सरकार हुने सम्भावना भएकाले सम्बन्ध बढाइराख्नुपर्छ ।