काठमाडौं । राष्ट्र बैकका गभर्नर महाप्रसाद अधिकारी प्रधानमन्त्री शेरबहादुर देउवालाई भेट्न बालुवाटार पुगेका छन् । अधिकारी दिउँसो करिब साढे १२ बजे बालुवाटार पुगेका हुन् । नेकपा एमालेको अर्थ विभागको सदस्यका रुपमा काम गरिरहेको भन्दै अधिकारीको एम अधिकारीका रुपमा चर्चा भइरहेको छ ।

यता, गर्भनर अधिकारी र प्रधानमन्त्री देउवाबीचको छलफलमा पनि एम अधिकारीको विषयमा पनि छलफल भएको स्रोत बताउँछ ।
त्यसैगरी, बुधबारदेखि नेकपा माओवादी र कांग्रेसका सांसदहरुले गभर्नर अधिकारीले राजीनामा दिनुपर्ने संसदमा आवाज उठाइरहेका छन् । अर्थमन्त्री जनार्दन शर्माले राजीनामा दिएपछि सो मन्त्रालयको जिम्मेवारी पनि प्रधानमन्त्रीसमेत रहेका शेरबहादुर देउवाले लिएका छन् ।