काठमाडौं । माओवादी केन्द्रका अध्यक्ष पुष्पकमल दाहाल प्रचण्डको भारत भ्रम्रणको पूर्वसन्ध्यामा शुक्रवार प्रधानमन्त्रीको सरकारी निवास बालुवाटारमा बसेको सत्ता गठबन्धन दलका शीर्ष नेताहरुको बैठकले संक्रमणकालीन न्यायसमवन्धी विधेयकमा सहमति जुटाएको हो ।

मन्त्रिपरिषद्ले विधेयक पास गर्नुअघि कानुनमन्त्री गोविन्द बन्दीले संशोधन विधेयकबारे ब्रिफिङ गरेका थिए । ‘सर्वोच्च अदालतको फैसला र अन्तराष्ट्रिय समुदायको चासोलाई सम्बोधन गर्ने गरी विधेयक बनेको भन्नुभएको छ,’ गठबन्धनका एक नेताले भने, ‘मन्त्रिपरिषदले पास गरेपछि हाउसमा दर्ता हुन्छ ।’

दलहरुका वीचको छलफल पछि आजै प्रधानमन्त्री निवास बालुवाटारमा मन्त्रिपरिषद्को पनि आकस्मिक बैठक बोलायएको छ । बैठक बस्दैछ ।

सत्य निरुपण तथा मेलमिलाप आयोग र वेपत्ता पारिएका व्यक्तिको छानबिन आयोगका पदाधिकारीहरुको म्याद भोलिसम्म छ । सोहीकारण पनि गठबन्धन दलमा त्यसविषयमा छलफल र सहमति बनेको हो । स्रोतका अनुसार हालका हाल कायम रहेका पदाधिकारीहरुको म्याद थप्ने सम्भावना छ ।

बैठकमा कानुनमन्त्री गोविन्द वन्दीलाई पनि सहभागी गराईएको थियो । बैठकमा प्धानमन्त्री शेरवहादुर देउवा, माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधव नेपाल लगायत सहभागी थिए । उपेन्द्र यादव वीरगन्जमा रहेका कारण उनी भने बैठकमा सहभागी थिएनन ।

आजको बैठकमा उपसभामुखको निर्वाचनर प्रचण्डको भारत भ्रमणका विषयमा पनि छलफल भएको थियो ।