काठमाडौँ । साताको पहिलो दिन आज सेयर बजारमा उछाल आएको छ । आइतबार सुरुवातदेखि नै बढेको नेप्से ५४.५८ अंक (२.५५ प्रतिशत) ले वृद्धि भएर २१९५.१० अंकमा पुगेको छ ।

आज वित्त कम्पनीबाहेक सबै उपसूचक बढेको छ । आज नेप्सेसँगै कारोबार रकमसमेत उकालो लागेको छ । आज नेप्सेमा एक करोड १३ लाख ३९ हजार ४७६ कित्ता सेयर किनबेच हुँदा चार अर्ब ६० करोड ९७ लाख ९१ हजारको कारोबार भएको छ ।

जसमध्ये शिवम् सिमेन्टको सर्वाधिक २१ करोड ३४ लाख १६ हजारको कारोबार हुँदा नेपाल दूरसञ्चार कम्पनीको १५ करोड २३ लाख २० हजारको कारोबार भएको छ ।