काठमाडौं । नेपाली फुटवलका गोलकिपर किरणकुमार लिम्बु र एयरहोस्टेज कञ्चन निरौला केही वर्ष देखि प्रेम सम्वन्धमा छन् । यी दुईको प्रेम सम्वन्धमा सोमबार नयाँ वहार आएको छ । त्यो हो गोलकिपर लिम्बुले मैदानमै प्रेमीकाको हात समाउँदै औंठी लगाईदिएर गरेको विवाहको प्रस्ताव ।

उनले मैदानमा बिवाहको प्रस्ताव पनि यस्तो समयमा गरेका छन् की, जाहाँ लिगकै सर्वोत्कृष्ट गोलिकपर लिम्बु नै घोषित भएका थिए ।

लिम्बु आबद्ध क्लब माजिया एससीले सोमबार सकिएको माल्दिभ्सको शीर्ष डिभिजनको लिगको उपाधि जितेको थियो भने उनी सर्वाेकृष्ट किपर घोषित भएका थिए ।

त्यसपछि किरण लिम्बुले त्यही खुसीयाली प्रेमिकासँग साटेका हुन् ।

क्लबका खेलाडीले लिगको ट्रफी उचालेर खुसी मनाइरहँदा किपिर लिम्बुले आफ्नी प्रेमिकालाई हातमा समातेर मैदानमै लगे।

त्यसपछि मैदानमै प्रेमिका कञ्चन निरौलालाई सबै सहकर्मीका अघि औठी लगाइदिए, विवाह प्रस्ताव राखेका थिए ।

लिम्बुले बिवाह प्रस्ताव राखिरहँदा सबै खेलाडीले ताली बजाएर उनको खुसीमा साथ दिएका थिए।

केही वर्षदेखि प्रेममा रहेका उनीहरुको यो वर्ष विवाह गर्ने योजना छ। माल्दिभ्सको राजधानी मालेमा प्रेमिका निरौलालाई औंठी लगाइदिएको भिडिओ किरणले सामाजिक सञ्जालमा सार्वजनिक गरेका छन्।

भिडिओ पोस्टमा उनले प्रेमिकाको प्रशंसा गर्दै आफ्नो जीवनमा आएकोमा धन्यबाद दिएका छन्।