काठमाडौं । प्रधानमन्त्री शेरबहादुर देउवाको परराष्ट्र मामिला सल्लाहकारमा अरुणकुमार सुवेदी नियुक्त भएका छन् । चुनावको मिति घोषणा गरेको क्याविनेट बैठकले नै सुवेदीलाई प्रधानमन्त्रीको परराष्ट्र मामिला सल्लाहकार नियुक्त गरेको हो ।

नेपालले असंलग्न परराष्ट्र नीति त्याग्नुपर्छ भन्ने विचार राख्दै आएका सुवेदीलाई बिहीबार बसेको मन्त्रिपरिषद बैठकले प्रधानमन्त्रीको परराष्ट्र मामिला सल्लाहकारमा नियुक्त गरेको हो ।

नेपालले असंग्लन्न परराष्ट्र नीति अवलम्बनमा दहो गरी खुटटा टेक्नपर्ने बताईरहेको बेला प्रधानमन्त्रीको परराष्ट्र सल्लाहकारमा भने सुवेदीको नियुक्ती भएको हो । उनको नियुक्तिलाई अर्थपूर्ण रुपमा हेरिएको छ । देउवा सरकारले युक्रेन मामिलामा पनि तटस्थता देखाउन नसकेको आरोप लागिरहेका बेला ताइवान प्रकरण सतहमा आएको छ ।

अमेरिकाप्रति सरकारको ढल्काई बढी नै रहेको आरोप पनि देउवा माथी लागिरहेका बेला सुवेदीको नियुक्ति अर्थपूर्ण रहेको गठबन्धन दलकै नेताहरुले बताएका छन् ।

उनी एमसीसीको पनि कडा पक्षधर थिए । नेपालमा एमसीसीको विरोध गर्नेहरुलाई राष्ट्रविरोधी घोषित गर्नुपर्ने जस्ता विवादास्पद अभिब्यक्ति पनि उनले दिएका थिए ।