शनिबार, माघ १०, २०८२

काँडाघारी प्रहरी कार्यालय डुबानमा, बाढीले खाद्यान्न र मोटरसाइकल बगायो

मेरोन्यूज २०७९ साउन २५ गते ७:१६

काठमाडौं । काठमाडौं उपत्यकामा गएराति परेको वर्षा र बाढीले प्रहरी प्रभाग काँडाघारीको भवन डुबानमा परेको छ । बाढीले कार्यालयका सामानसमेत बगाएको प्रहरीले जारी गरेको बुलेटिनमा उल्लेख छ । कार्यालय भवनको एक तल्लाको पुरै भाग डुबाएको र मेसमा रहेका खाद्यान्न, फर्निचर लगायतका सामान बगाएको समेत बुलेटिनमा भनिएको छ ।
प्रहरीका अनुसार कार्यालयको पछाडि पार्किङ गरेर राखिएका तीनवटा मोटरसाइकल पनि बाढीले बगाएको छ ।गएराति काठमाडौंमा ठूलो पानी परेको थियो । जल तथा मौसम विज्ञान विभागको मौसम पूर्वानुमान महाशाखाले आज बिहान ६ बजेसम्म ७५.१ मिलिमिटर पानी परेको जनाएको छ ।

प्रतिक्रिया