काठमाडौं । बुधबार विहान ६ बजे बझाङ जिल्लाको बङ्गुल नगरपालिका वडा नंबर-९ को एकै परिवारका तिन जना मृत अवस्था फेला परेका छन् । जिल्ला प्रहरी कार्यालय बझाङका अनुसार २२ वर्षीय गीता पार्की र उनका तीन वर्षीया छोरा भुपेन्द्र र पाँच वर्षीया छोरी झुन्डिएको अवस्थामा फेला परेका हुन् ।

बङ्गलु नगरपालिका वडा नंबर ९ का वडाअध्यक्ष हरिश बहादुर सिंहका अनुसार बुधबार विहान घास काट्न गएका स्थानियले उनिहरु तिनै जनालाई मृत अवस्थामा फेला पारेको हो । सोही समयमा स्थानीयले प्रहरीलाई खबर गरेपछि प्रहरी घटनास्थलमा पुगेको थियो ।

हिजो मात्रै मृतक गीताको श्रिमान भारतबाट घर आएको बङ्गलु नगरपालिका वडा नंबर ९ का वडाअध्यक्ष हरिश बहादुर सिंहले मेरोन्यूजलाई बताए । उनले भने,‘हिजो मात्रै गीताका श्रिमान पुष्कर पार्की भारतबाट घर आएको रहेछ ।, राति सुतेको अवस्थामा नै उनिहरु उठेर गएको देखिन्छ, राति नै उनको श्रीमानले सोधखोज गरेको स्थानियबाट थाहाँ पाईयो ।’

घटनास्थलमा प्रहरीले अनुससन्धान गरिरहेको छ । र जिल्ला प्रहरी कार्यालयको टोली समेत घटनास्थल तर्फ आउँदै गरेको वडाध्यक्ष सिंहले जानकारी दिए ।