उदयपुर । जिल्ला प्रहरी कार्यालय उदयपुरले दुई युवकलाई लागु औषधसहित पक्राउ गरेको छ । उदयपुरको त्रियुगा नगरपालिका ६ जलजलेमा चेक गर्ने क्रममा आगु औषधसहित दुई जना युवक पक्राउ परेको जिल्ला प्रहरी कार्यालयका प्रमुख प्रहरी उपरीक्षक ज्ञानेन्द्रप्रसाद फुयालले जानकारी दिए ।

चेकिङमा खटिएको इलाका प्रहरी कार्यालय जलजलेको टोलीले त्रियुगा नगरपालिका ६ का २७ वर्षीय संगीत तामाङ र २५ वर्षीय आमोद महतोलाई आगु औषधसहित पक्राउ गरेको हो ।

उनीहरूको साथबाट डाइजेपाम ५१ एम्पुल, फेनारागण ५१ एम्पुल बुप्रिनोर्फीन ५१ एम्पुल गरी जम्मा १५३ एम्पुल लागु औषध र ७ थान सिरिञ्जसहित दुवै जनालाई नियन्त्रणमा लिई जिल्ला अदालतबाट म्याद थप गरी अनुसन्धान थालेको छ ।