काठमाडौँ । रूकुम पूर्वको पुथा उत्तरगंगा गाउँपालिका ११ मा लु १ झ ६६० नम्बरको प्रहरी भ्यान दुर्घटनामा घाइते भएका प्रहरी जवानको मृत्यु भएको छ । शनिबार बिहान दुर्घटना हुँदा गाडीमा सवार प्रहरी जवान लक्ष्मण पुनको मृत्यु भएको हो ।

घटनामा घाइते भएका पाँच जनाको उपचार भइरहेको प्रहरीले जनाएको छ । प्रमुख जिल्ला अधिकारी तुलराज सुनुवार, जिल्ला प्रहरी कार्यालय रुकुम पूर्वका कार्यालय प्रमुख प्रहरी नायव उपरीक्षक प्रकाश डाँगी र सशस्त्र प्रहरी बल आश्रित गुल्म रुकुम पूर्वका प्रमुख सशस्त्र प्रहरी नायव उपरीक्षक रविन्द्र श्रेष्ठसहितको टोली इलाका प्रहरी कार्यालय तकसेरा निरीक्षण गर्न जाँदा प्रहरी मात्रै चढेको गाडी दुर्घटना भएको हो ।

घाइतेलाई उपचारका लागि तत्काल नेपाली सेनाको हेलिकोप्टरद्वारा कोहलपुर मेडिकल कलेज बाँकेमा लगिएको थियो । सोही अस्पतालमा उपचारका क्रममा प्रहरी जवान पुनको मृत्यु भएको हो ।