काठमाडौँ । प्रभु क्यापिटलले चाडवाडको अवसरमा आपm्ना ग्राहकका लागि विशेष अफर ल्याएको छ । गत ८ गतेदेखि प्रभु क्यापिटल तथा टी थ्री थकाली ग्रुपबीच सम्झौता गरी अफर आयोजना गरेको हो ।

यस अफरअन्र्तगत प्रभु क्यापिटलका ग्राहकले टी थ्री थकाली ग्रुपबाट सेवा लिँदा १२ प्रतिशत छुट पाउने भएका छन् । यो योजनाबाट लाभ लिन हितग्राहीले चेक आउट वा बिल पेमेन्ट गर्दा प्रभु क्यापिटलमा हितग्राही खाता रहेको देखाउनु पर्ने छ ।

सम्झौताको मितिदेखि तीन महिनासम्म सञ्चालन हुने यो अफरको लाभ क्यापिटलको हितग्राही ग्राहकले टी थ्री थकाली ग्रुपको एयरपोर्ट, महाराजगञ्ज तथा टोखाका शाखाबाट प्राप्त गर्न सक्ने कम्पनीले जनाएको छ ।

नेपाली पुँजी बजारमा भिडिओ केवाईसीमार्फत डिम्याट खाता खोल्ने सुविधा ल्याएको पहिलो तथा एकमात्र मर्चेन्ट बैंकर प्रभु क्यापिटलले समयानुसारकोे प्रविधि अपनाउँदै ग्राहकलाई सेवा प्रदान गर्दछ । हाल प्रभु क्यापिटलले दुई लाख १५ हजारमाथि हितग्राही ग्राहकलाई डिपी सेवा प्रदान गरिरहेको छ ।