काठमाडौँ । केन्यामा जारी टी २० क्रिकेट प्रतियोगिताको तेस्रो खेलमा नेपाल विजयी भएको छ ।

केन्याको राजधानी नैरोवीस्थित जिमखाना क्रिकेट मैदानमा भएको खेलमा नेपाल चार विकेटले विजयी भएको हो ।

यसअघि भएको दुई खेलमा दुवै देशको टोलीले एक–एक खेलमा जित हात पारेको थियो । आजको खेलमा नेपालले पाएको १५७ रनको लक्ष्य चार विकेट गुमाउँदै भेट्टाएको हो ।

केन्याले दिएको १५६ रनको लक्ष्य नेपालले १९.३ ओभर खेल्दै ६ विकेट गुमाएर १६० रन बनाउँदै पूरा गरेको हो । नेपालका लागि ज्ञानेन्द्र मल्लले सर्वाधिक ४६ रन बनाएका थिए ।

यस्तै, अर्जुन साउदले ३५, रोहित कुमार पौडेलले २९ र पवन सर्राफले २० रन बनाएका थिए । यसैगरी आदिल आलमले १६ रन बनाए ।

डेब्युटाण्ट अर्जुन साउद र पवन सर्फले पहिलो विकेटका लागि ३५ रनको साझेदारी गरे । तर, लगातार तेस्रो खेल खेलेका पवन सर्राफले ठूलो स्कोर बनाउन सकेनन् ।

यस्तै, केन्याका लागि युगेन ओचिएङ र भिराज पटेलले २–२ विकेट लिए । त्यसअघि राकेप पटेल र इर्फान करिमले अर्धशतक प्रहार गरेपछि नैरोबीस्थित जिमखान क्रिकेट मैदानमा टस जितेर पहिले ब्याटिङ गरेको केन्याले २ विकेट गुमाएर १५६ रन बनाएको थियो । जसमा पटेलले ४३ बल खेल्दै ४ चौका र ४ छक्का मद्दतमा अविजित ७३ रन बनाए ।

यस्तै करिमबले ४७ बल खेल्दै ४ चौका र २ छक्का मद्दतमा ५५ रन जोडे । केन्याले अन्तिम पाँच ओभरमा ६९ रन जोडेको थियो ।