काठमाडौं । रणबीर-आलिया स्टार फिल्म ब्रह्मास्त्र शुक्रबारबाट रिलिज भएको छ ।

पछिल्लो समय दुई ठूला बजेटका सिनेमा चल्न नसकिरहेको बेला ब्रम्हास्त्रले यो वर्षको सबैभन्दा ठूलो ओपनिङ गरेको छ । ब्रह्मास्त्र कोरोनापछि बक्स अफिसमा पहिलो दिन सबैभन्दा धेरै कमाउने हिन्दी फिल्म बनेको छ। फिल्मको पहिलो दिन (ओपनिङ दिन) मा भारतमा ३६ करोड कलेक्सन गरेको छ। यसले आरआरआरको ओपनिङ डेको कीर्तिमान तोडेको छ । अआरआरआरले आफ्नो ओपनिङ डेमा २० करोड कलेक्सन गरेको थियो ।

कोरोनापछि गत वर्ष अक्टोबरमा थिएटरहरू खुलेका थिए। त्यसपछि करिब २७ वटा फिल्म हलमा रिलिज भए। अक्षय कुमार, आमिर खान जस्ता ठूला स्टारका ८ ठूला बजेट फिल्म रिलिज भए पनि पहिलो दिन कसैले पनि यति ठूलो व्यापार गर्न सकेनन्। यो रणबीरको फिल्मले पहिलो दिननै कीर्तिमानी कमाई गरेको छ ।
यस फिल्ममा रणबीर कपूर, आलिया भट्ट, अमिताभ बच्चन, नागार्जुन र मौनी रोयको मुख्य अभिनय रहेका छन् । भने फिल्मलाई अयान मुखर्जीले निर्देशन गरेका हुन्। यो फिल्म ४१० करोडको लगानीमा बनेको बताइएको छ ।(एजेन्सीको सहयोगमा)