काठमाडौँ । तिहारअगाडि अन्तिम कारोबार दिन नेप्से दोहोरो अंकले बढेर बन्द भएको छ । आइतबार बजार परिसूचक नेप्से १४.३५ अंकले बढेर १८५८.४९ अंकमा बन्द भएको छ ।

नेप्सेमा वृद्धि भए पनि कारोबार रकम कम भएको छ । आइतबार नेप्सेमा १५ लाख ३८ हजार ४२ कित्ता सेयर किनबेच हुँदा ५१ करोड ६८ लाख ३ हजार रुपैयाँको कारोबार भएको छ ।

जसमा एभरेष्ट बैंकको सर्वाधिक पाँच करोड १६ लाख ३३ हजारको कारोबार भएको छ । यस्तै, नबिल बैंकको तीन करोड ३८ लाख ८० हजार र नेपाल बैंकको तीन करोड २० लाख १९ हजारको कारोबार भएको छ ।