काठमाडौँ । काठमाडौं जिल्ला अदालतले क्रिकेटर सन्दीप लामिछानेलाई तत्काल निर्दोष मान्न नहुने बताएका छन् ।

नाालिगमाथि बलात्कार गरेको आरोप लागेसँगै आज बहस सकिएपछि उनलाई अदालतले पुर्पक्षका लागि जेल चलान गरेको हो । न्यायाधीश माधव प्रसाद घिमिरेको इजलासले तत्काल प्राप्त प्रमाणका आधारमा प्रतिवादी निर्दोष रहेछन् भन्ने मान्न नसकिने ठहर गर्दै जेल चलान गर्न आदेश दिएका हुन् ।

यस्तै आदेशमा होस्टलमा बस्ने पीडितले आफ्नो बारेमा होस्टललाई कुनै जानकारी नदिइ बाहिर गएको देखिएको उल्लेख गरेको छ ।

गत सोमबार काठमाडौं जिल्ला अदालतमा क्रिकेटर लामिछानेविरुद्ध जबर्जस्ती करणीको मुद्दामा दर्ता भएको थियो ।

सन्दीपमाथि गत भदौ ५ गते राति एक १७ वर्षीय किशोरीलाई सिनामंगलको होटलमा बलात्कार गरेको आरोप लागेको हो ।