काठमाडौँ । छोटो समयमा नै चर्चित बनेका गायक प्रकाश दूतराजले आत्महत्याको प्रयास गरेका छन् । सांगीतिक कार्यक्रम गर्न अष्ट्रेलिया पुगेका उनले झुण्डिने प्रयास गरेका हुन् ।

गायिका भूमिका त्रिपाठीसहित दूतराज कन्सर्टका लागि गत अक्टोबर २० गतेदेखि अष्ट्रेलियामा छन् । आयोजकले राखेको फ्ल्याटको आफू सुत्ने कोठामा दूतराजले झुण्डिने प्रयास गरेको स्रोतले जानकारी दियो ।

उनले अष्ट्रेलिया पुगेपछि आफ्नो सामाजिक सञ्जालमा लेखेका थिए, ‘रातैभरि झिलिमिली बलिरहने शहरमा हुँदा पनि मन एउटै टुकीले उज्यालो बनाउने घरमै जाँदो रैछ ।

उनले ‘घर कता हो बैनीको’, ‘जाम भो माइली’, ‘चोली मैलै भो’, ‘रेलिमाई’जस्ता चर्चित गीतहरू गाएका छन् ।