काठमाडौँ । पश्चिमी गिनीको किण्डिया क्षेत्रमा आइतबार धेरै विद्यार्थी बोकेको एउटा मिनीबस एक ट्रकसँग ठोक्किँदा २२ जनाको मृत्यु भएको छ । घटनामा अन्य आठ जना घाइते भएका छन् ।

किन्दियाको छिमेकी मामोउ क्षेत्रबाट आएको ट्रक कोनाक्रीदेखि किण्डिया जाने राष्ट्रिय सडकमा दुर्घटना भएको गिनीको सङ्क्रमण कालीन सरकारले जानकारी दिएको छ ।

सरकारले किण्डिया क्षेत्रीय अस्पतालमा घाइतेको उपचार गरिरहेको सरकारी प्रवक्ता ओस्मान गौअल डायलोले जानकारी दिए । दुर्घटनाको कारण पत्ता लगाउन अनुसन्धान भइरहेको जनाइएको छ ।