काठमाडौँ । नेपालको पहिलो बैंक नेपाल बैंक लिमिटेले आफ्नो ८६ औँ वार्षिकोत्सवको अवसरमा बैंकको प्रधान कार्यालय धर्मपथ काठमाडौँमा खुला रक्तदान कार्यक्रमको आयोजना गरेको छ ।

उक्त कार्यक्रमको उद्घाटन बैंकका नायव प्रमुख कार्यकारी अधिकृत समता पन्तले गरेका थिए । कार्यक्रमको समापन बैैंकका सहायक प्रमुख कार्यकारी अधिकृत प्रकाश कुमार अधिकारीले गरे ।

उक्त रक्तदान कार्यक्रममा बैंकमा कार्यरत कर्मचारी, ग्राहक, सर्वसाधारण गरी एक सय पाँच जनाले रक्तदान गरेका थिए । नेपाल बैंक लिमिटेड ०७९ कार्तिक ३० गते ८६ औँ वर्षमा प्रवेश गर्दैछ । सोही अवसरमा बैंकले बिभिन्न कार्यक्रम आयोजना गरिरहेको छ । संस्थागत सामाजिक उत्तरदायित्वमा अग्र पङ्क्तिमा रहेर भूमिका निर्वाह गर्दै आएको बैंकले हरेक वर्ष वार्षिकोत्सवको अवसर पारेर खुल्ला रक्तदान कार्यक्रम आयोजन गर्दै आइरहेको छ ।

बैंकले हाल नेपालभर २२६ शाखा, १९९ एटिएम साथै ५० वटा एक्टेन्सन काउन्टरमार्फत वित्तीय सेवा पुर्याइरहेको छ ।