आइतबार, मंसिर १४, २०८२

कतार विश्वकप २०२२

दक्षिण कोरियाविरुद्ध ब्राजिलको पहिलो हाफमै ४ गोल

मेरोन्यूज २०७९ मंसिर २० गते १:४८

काठमाडौं । ब्राजिलले दक्षिण कोरियाविरुद्ध खेलकोपहिलो हाफमै ४ गोल गरेको छ । कतारमा जारी विश्वकप फुटबलकोअन्तिम १६ को खेलमा दक्षिण कोरियाविरुद्ध ब्राजिलले आक्रमक खेल सुरु गरेको हो ।

पहिलो हाफमै ४ गोल गरेर फराकिलो अग्रता ब्राजिलले बनायो ।

खेलको सातौं मिनेटमा ब्राजिलले भिनीसियस जुनिअरको गोलमा अग्रता लिएको थियो । पेनाल्टी क्षेत्रभित्र आएको बललाई उनले नियन्त्रणमा राख्दै संयमित फिनिस गरे । उनले बायाँ भागबाट गरेको प्रहारमा कोरियाली डिफेन्स र गोलरक्षक बिट भएका थिए ।

१३ औं मिनेटमा नेयमारले पेनाल्टीमा गोल गरे । पेनाल्टी क्षेत्रभित्र रिचार्लीसनलाई लडाएपछि रेफ्रीले पेनाल्टी दिएका थिए । २९ औं मिनेटमा रिचार्लीसनले ब्राजिललाई ३ गोलले अघि राखे । उनी आफैंले पेनाल्टी क्षेत्र बाहिर उत्कृष्ट बल नियन्त्रण गर्दै सुरु गरेको मुभ अन्त्यमा फिनिस गरेका थिए । थियागो सिल्भाले दिएको अन्तिम पासलाई उनले सहजै फिनिस गरेका थिए ।

३६ औं मिनेटमा ब्राजिलले चौथो गोल थप्यो । भिनिसियस जुनिअरको पासमा लुकास पाक्वेटाले गोल गरेका थिए ।

प्रतिक्रिया