काठमाडौंँ । विश्वमा सबैभन्दा चाँडो वृद्धि भइरहेको स्मार्टफोन ब्राण्ड रियलमीले मिड रेञ्जको २०२२ कै सबैभन्दा प्रिमियम स्मार्टफोन नेपालमा ल्याउने भएको छ । यो नेपालमा आउन लागेको रियलमी १० प्रो सिरिजकै पहिलो फोन हो ।

रियलमी १० प्लस प्रो ५ जी नाम दिइएको यो स्मार्ट फोनको कभ्र्ड डिस्प्ले झट्ट हेर्दा अत्यन्तै आकर्षक र स्टाइलिश देखिन्छ । डिस्प्ले टेक्नोलोजी सुधार्नमा मात्र लगभग साँढे एक करोड खर्च गरिएको कम्पनीले जनाएको छ ।

फोनको अर्को आकर्षक पक्षमा डाइमेन्सिटी १०८० ५ जी चिपसेट हो । जुन नेपालमै पहिलो भएको र यो सेगमेन्टकै बेस्ट भएको दाबी गरिएको छ ।

यसको ६ इञ्चको कर्भ डिस्प्ले हेर्नमा अत्यन्तै आकर्षक छ । साथै, यसको कलर गेमुट पनि वाइड छ । एचडिआर १० प्लस सर्टिफाइड भएकाले यसमा मज्जाले एचडिआर कन्टेण्टहरू हेर्न सकिन्छ ।

त्यस्तै, रियलमी १० प्लस प्रो ५ जीलाई अघिल्ला सेटभन्दा अझै बढी टिकाउ बनाउन विशेष तरिकाले डिजाइन गरिएको ०.६५ एमएमको सेकेण्डरी टेम्पर्ड ग्लासको प्रयोग गरिएको छ । जुन अत्यन्तै बलियो हुन्छ ।

यसमा १०८ एमपिको मेन सेन्सर लगायत तीनवटा क्यामरा पछाडिपट्टि राखिएको छ भने ६७ वाट सम्म सुपरभोक चार्जिङ सपोर्ट गर्ने ५००० एमएएचको ब्याट्री रहेको छ ।