विश्वकपमा कीर्तिमानी मेसी

काठमाडौँ । कतारमा सम्पन्न २२ औँ फिफा विश्वकपको उपाधि अर्जेन्टिनाले जितेको छ । आइतबार सम्पन्न फाइनल खेलमा अर्जेन्टिनाले उपाधि रक्षा गर्दा कप्तान लियोनल मेस्सीको नाममा धेरै कीर्तिमानी बने ।
फ्रान्सविरुद्ध विश्वकपको फाइनल खेलका लागि मैदानमा टेक्नासाथ मेसीले कीर्तिमान बनाए । उनले विश्वकपमा सबैभन्दा धेरै २६ खेल खेल्ने कीर्तिमानी बनाए । उनले सम्पन्न विश्वकपको सबै ७ खेल खेल्दै जर्मनीका लोथार म्याथ्वुको नाममा रहेको २५ खेलको कीर्तिमान तोडे ।
कतारमा विश्वकप खेल्नुअघि नै मेसीले विश्वकपको चार संस्करणमा सहभागी हुँदै १९ खेल खेलेका थिए ।
यस्तै, फ्रान्सविरुद्ध २४ मिनेट खेल्नासाथ मेसीको नाममा अर्को कीर्तिमानी थपिन पुग्यो । इटलीका पाउलो माल्दिनीको नाममा रहेको विश्वकपमा सर्वाधिक धेरै समय खेल्ने कीर्तिमानी पनि उनकै नाममा पुग्यो ।
विश्वकपमा दुई हजार २१७ मिनेट खेल्दै कीर्तिमानी बनाएका माल्दिनीको स्थानमा मेसीको नाम लेखिन पुग्यो । यो प्रतियोगिताको अन्त्यसँगै मेसीले आफ्नो नाममा दुई हजार ३१३ मिनेट विश्वकप खेल्ने कीर्तिमान बनाए ।
मेसीले अर्जेन्टिनाका लागि विश्वकपमा सर्वाधिक गोल गर्ने अर्को कीर्तिमानी थपे । यसका लागि उनले महान खेलाडी म्याराडोनालाई नै पछि पारे । विश्वकपमा लगातार पाँच संस्करण खेल्ने ६ खेलाडीमध्ये उनी एक बने ।
खेल, गोल मात्र नभई मेसीले विश्वकपमा सबैभन्दा धेरै असिस्ट गर्ने अर्को कीर्तिमान थपे । उनी लगातार पाँच विश्वकपमा असिस्ट गर्ने एक खेलाडी बन्न पुगे । यस्तै, फ्रान्सविरुद्ध फाइनलमा गोल गरेका मेसीले विश्वकपको नकआउट चरणमा अन्तिम १६, क्वाटरफाइनल, सेमिफाइनल र फाइनलमा गोल गर्ने एक मात्र खेलाडी बने ।
यस्तै, मेसीले विश्वकपमा १९ खेलमा कप्तानी गर्ने अर्को कीर्तिमान थप्दै गर्दा १७ खेल जित्ने जर्मनीका मिरोस्लाभ क्लोजको कीर्तिमानसँग बराबरी गरे ।
देशका लागि अन्तर्राष्ट्रिय स्तरको उपाधि जिते पनि केही गर्न नसकेको आरोप लाग्दै आएको मेसीले सबै प्रश्नहरू एकसाथ बन्द गरिदिएका छन् । साथै, उनले आफूलाई इतिहासकै महान खेलाडीको सूचीमा आफ्नो नाम सुनौलो अक्षरले लेख्न सकेका छन् ।









पाकिस्तानी दूतावासको सहयोगमा ज्ञानोदयमा कम्प्युटर प्रयोगशाला निर्माण
गैरआवासीय नेपाली सङ्घको एकता कोशेढुङ्गा सावित हुनेछः प्रधानमन्त्री कार्की
मल्कवाङमा पहिलोपटक बस पुग्यो
कुनै धर्म वा समुदायलाई होच्याउने मेरो आशय र नियत होइनः प्रधानमन्त्री
हुप्सेकोटका तीन हजार किसान काँक्रा बेचेर कुस्त कमाउँदै
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
सेना परिचालन गर्न राष्ट्रपतिको स्वीकृति
पोखराको पहिलो जित, साविक विजेता जनकपुर फेरि निराश
प्रधानमन्त्रीसँग छलफल गर्न एमाले नेताहरु बालुवाटारमा
आज मंसिर १२ गते शुक्रबार, कस्ताे रहला तपाइकाे राशिफल ?
प्रतिक्रिया