काठमाडौँ । गृह मन्त्रालयको निर्देशनपछि मापदण्डविपरीत खटिएका सुरक्षाकर्मी फिर्ता भएका छन् ।

बिहीबारसम्म नेपाल प्रहरीका १०३ र सशस्त्र प्रहरी बलका ९१ जना गरी १९४ सुरक्षाकर्मी फिर्ता भएको गृहमन्त्री रवि लामिछानेको सचिवालयले जनाएको छ ।

मन्त्रालयले बुधबार विज्ञप्ति जारी गर्दै बहालवाला तथा पूर्वकर्मचारी र सुरक्षाकर्मीले व्यक्तिगत सुरक्षामा खटिएका मापदण्डविपरीत भएकालाई फिर्ता गर्न निर्देशन दिएको थियो ।

राजनीतिक क्षेत्रका विशिष्ट व्यक्तिहरूको सुरक्षाकर्मीबारे केही बोलेको छैन ।