काठमाडौँ । नेपाल आयल निगममा पेट्रोलियम पदार्थको मूल्य बढेर आएको छ । भारतीय आयल कर्पोरेसन लिमिटेड (आईओसी)ले मूल्य बढाएर पठाएको हो ।

निगमका अनुसार अन्तर्राष्ट्रिय बजारमा प्रशोधित इन्धनको मूल्य बढेसँगै आईओसीले मूल्य बढाएर पठाएको हो । आइतबार आएको नयाँ मूल्य सूचीअनुसार पेट्रोल, डिजेल, हवाई इन्धनसँगै खाना पकाउने ग्यासको मूल्यसमेत बढेको हो ।

निगमका अनुसार आईओसीले पठाएको नयाँ मूल्यमा पेट्रोलको भाउ प्रतिलिटर २ रुपैयाँ ५४ पैसा, डिजेलमा २ रुपैयाँ ९५ पैसा, हवाई इन्धनमा ४ रुपैयाँ १३ पैसा र ग्यासमा प्रतिसिलिन्डर ७८ रुपैयाँ २२ पैसा बढेको छ ।