काठमाडौँ । ‘सबल बैंक, सफल सहकार्य’को नारालाई आत्मसाथ गर्दै गुणस्तरीय वित्तीय सेवा प्रदान गर्दै आइरहेको महालक्ष्मी विकास बैंकले जेहेन्दार छात्रवृत्ती प्रदान गरेको छ । श्री त्रिभुवन हनुमान माध्यामिक विद्यालय वीरगञ्जका कक्षा आठमा अध्यनरत छात्र जीवन राजवंशीलाई छात्रवृत्ती प्रदान गरेको हो ।

बैंकको एक महत्वपूर्ण संस्था महालक्ष्मी फाइनान्सका संस्थापक अध्यक्ष स्व. हिरा गिरीको स्मृतिमा स्थापित हिरा गिरी जेहेन्दार छात्रवृत्ती बैंकका सञ्चालक समितिका सदस्य सञ्जय गिरीले विद्यार्थीका अभिभावक भावरलाल पारिकलाई हस्तान्तरण गरे ।

अध्ययनमा उत्कृष्ट भई पारिवारिक आर्थिक स्थिति कमजोर भएकाले विद्यार्थीको अध्यापनमा सहयोग पु¥याउने उद्देश्यले ५० हजार रुपैयाँ बराबरको छात्रवृत्ती उपलब्ध गराएको बैंकले जनाएको छ । उक्त कार्यक्रममा बोल्दै बैंकका सञ्चालक समितिका सदस्य सञ्जय गिरीले विद्यार्थीहरू देशका कर्णधार भएकाले गुणस्तरीय शिक्षा अपरिहार्य रहेको बताए ।

विद्यालय व्यावस्थापनका अध्यक्ष गोपाल केडियाले विद्यार्थीलाई प्रदान गरिने छात्रवृत्तीले गुणस्तरीय शिक्षामा टेवा पु¥याउने बताउँदै बैंकले गरेको सहयोगप्रति कृतज्ञता जाहेर गरे ।