काठमाडौं । हालै बैंक अफ काठमाण्डूसँग मर्ज गरेको ग्लोबल आइएमई बैंकले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । यस अवधिमा बैंकले २ अर्ब ७८ करोड रुपैयाँ नाफा आर्जन गरेको छ । गत आर्थिक वर्षको सोही अवधिमा बैंकले २ अर्ब ६६ करोड रुपैयाँ खुद नाफा आर्जन गरेको थियो । यस अनुसार बैंकको नाफा ४.४७ प्रतिशत बढेको हो ।

समिक्षा अवधिमा बैंकको खुद ब्याज आम्दानी ३६.४५ प्रतिशत बढेर ६ अर्ब ५४ करोड रुपैयाँ, सञ्चालन मुनाफा ३.१९प्रतिशत बढेर ३ अर्ब ७९ करोड रुपैयाँ र वितरणयोग्य मुनाफा १ अर्ब ११ करोड रुपैयाँ रहेको छ ।

यसै अवधिमा बैंकको प्रतिसेयर आम्दानी घटेर १८.०७ रुपैयाँमा झरेको छ । गत वर्षको सोही अवधिमा प्रतिसेयर आम्दानी २२.३९ रुपैयाँ रहेको थियो । बैंकको मूल्य आम्दानी अनुपात ११.६४ गुणा छ भने प्रतिसेयर नेटवर्थ १५४.३४ रुपैयाँ रहेको छ ।

त्यस्तै, बैंकको चुक्ता पुँजी ३५ अर्ब ७७ करोड रुपैयाँ र जगेडा कोष ७१.१४ प्रतिशतले बढेर १८ अर्ब ३१ करोड रुपैयाँ, निक्षेप ४ खर्ब ३ अर्ब रुपैयाँ र कर्जा प्रवाह ३ खर्ब ६३ अर्ब रुपैयाँ पुगेको छ ।