काठमाडौँ । उपप्रधानमन्त्री तथा ऊर्जा, जलस्रोत तथा सिँचाइमन्त्री राजेन्द्र लिङ्देनले सांसदमा मौन धारण हुँदा नउठ्दैमा आन्दोलनका शहीदको सम्मान नगरेको भन्ने नमिल्ने बताए ।

उनले गत ५ माघमा सांसद सीके राउतले मौन धारण गराउँदा नउठेकै आधारमा मधेश आन्दोलनका शहीदलाई सम्मान नगरेको भन्न नमिल्ने बताएका हुन् ।

जनमत पार्टीका अध्यक्ष सीके राउतले मधेश आन्दोलनका शहीदको सम्झनामा सबैलाई उठेर मौन धारण गर्न आग्रह गरेका थिए । उक्त समयमा प्रधानमन्त्री पुष्पकमल दाहाल प्रचण्ड, उपप्रधानमन्त्री राजेन्द्र लिङ्देनसहित नेताहरू बसेका थिए ।