माइक्रोसफ्ट कम्पनीका संस्थापक बिल गेट्स सम्बन्धविच्छेदको डेढ वर्षपछि फेरि प्रेममा परेका छन् । उनी ओरेकलका सीईओ मार्क हर्डकी विधवा पत्नि पाउला हर्डसँग प्रेम सम्बन्धमा छन्। पाउलाका पति मार्क हर्डको २०१९ मा क्यान्सरको कारण मृत्यु भएकाे थियाे, जबकि बिल गेट्स र उनकी पत्नी मेलिन्डा गेट्सले अगस्ट २०२१ मा सम्बन्धविच्छेदमा फाइनल गरे।

स्रोतका अनुसार ६७ वर्षीय गेट्स र ६० वर्षीया पाउला एक वर्षभन्दा बढी समयदेखि डेटिङ गर्दै आएका छन् तर पाउलाले आफ्ना छोराछोरीलाई भेटेकी छैनन्।

दुवैजना सधैं एकसाथ देखिने गरेकाे यिनका एक साथीले बताए । दुबै एक वर्ष भन्दा बढी सँगै छन् र पाउलालाई मिडियामा ‘मिस्ट्री उमन’ भनिन्छ। तर दुबैका नजिकका साथीहरुलाई उनीहरु रोमान्टिक सम्बन्धमा रहेको कुरा थाहा छ ।