काठमाडौं । आइसिसी विश्वकप लिग–२ त्रिकोणात्मक ओडिआई सिरिजको पहिलो खेलमा नामिवियाले नेपाललाई २८६ रनको लक्ष्य दिएको छ ।

त्रिवि क्रिकेट मैदान कीर्तिपुरमा पहिले व्याटिङ गरेको नामिवियाले ५० ओभरमा १० विकेट गुमाउँदै २८५ रन बनायो ।

नामिवियाका लागि मिचेल भान लिङ्देनले १३३ रनको योगदान दिए । १३७ बल खेलेका उनले ९ चौका र ५ छक्का प्रहार गरे। 

भने कप्तान गेरहार्ड इरामसले ५६ रन जोडे ।

नेपालका लागि करण केसीले ५ विकेट लिए । करणले १० ओभरमा ६१ रन खर्चिए। सन्दीप लामिछानेले ३ तथा कुशल मल्ल र सोमपाल कामीले एक एक विकेट लिए ।

लामिछानेले १० ओभरमा ६६ रन खर्चिए। लामिछाने बलात्कार अभियोग पछि पहिलो पटक मैदान फर्किएका हुन्।