काठमाडाैं । जेम्स क्यामरुनको साइन्स फिक्शन फिल्म ‘अवतारः द वे अफ वाटर’ ले विश्वभरका सिनेमा दर्शकबाट निकै माया पाएको छ । त्यसैको नतिजा हाे फिल्म अहिले विश्वको तेस्रो धेरै कमाउने फिल्म बन्र सफल भएकाे छ ।

‘अवतारः द वे अफ वाटर’ ले निर्देशकको सन् १९९७ मा रिलिज भएको हलिउड फिल्म ‘टाइटानिक’ लाई पछि पार्दै यो रेकर्ड बनाएको हाे ।

पुस १ गते विश्वभर रिलिज भएको ‘अवतार २’को कुल कमाइ अहिलेसम्म २.२४३३ बिलियन डलर छ । जबकि ‘टाइटानिक’को कुल कमाइ २.२४२८ बिलियन डलर छ । अब भने ‘अवतार २’ शीर्ष स्थानमा रहेको ‘अवतार’ (२.९२ बिलियन डलर) र दोस्रो स्थानमा रहेको ‘एभेन्जर्सः इन्डगेम’ (२.७ बिलियन डलर) भन्दा पछि तेस्रो स्थानमा छ । चौथो स्थानमा ‘टाइटानिक’ र पाँचौं स्थानमा ‘स्टार वार्सः द फोर्स अवेकन्स’ छ ।