काठमाडौं । काठमाडौं जिल्ल अदालतले म्याच फिक्सिङको आरोपमा पक्राउ परेका ५ जनालाई धरौटीमा छाड्न आदेश दिएको छ । न्यायाधीश राजेन्द्रकुमार श्रेष्ठको इजलासले उनीहरुलाई धरौटीमा छाड्न आदेश दिएका हो ।

बुधबार भएको थुनछेक बहसपछि महबुब आलम, मोहम्मद आदिल अन्सारी र नितेश गुप्ता, रवि माझी र नविन कँडेललाई न्यायाधीश राजेन्द्रकुमार श्रेष्ठको एकल इजलासले धरौटीमा छाड्ने आदेश दिएको जिल्ला सरकारी वकिल कार्यालयका प्रमुख अच्युतमणि नेपाउनेले जानकारी दिए ।

उनीहरुलाई ३ लाख रुपैयाँका दरले धरौटी माग गरेर रिहा गर्न अदालतले आदेश दिएको हो । गत पुस ९ गतेदेखि २७ गतेसम्म भएको नेपाल टि २० लिगमा उनीहरुले स्पट फिक्सिङमा संलग्न रहेको भन्दै प्रहरीको केन्द्रीय अनुसन्धान ब्यूरोले अनुसन्धान गरेको थियो।