काठमाडौँ । सप्तरीको तिलाठी कोइलाडी गाउँपालिका १ भन्सार कार्यालय अगाडिबाट स्रोत नखुलेको ६ लाख ८३ हजार रूपैयाँ र ५० हजार भारतीय रूपैयाँ गरी कूल सात लाख ६३ हजार रुपैयाँसहित एक जना पक्राउ परेका छन् ।

पक्राउ पर्नेमा भारत सुपौल कुनौली ग्राम पञ्चायत कमलपुर बिहार घर बताउने ३१ वर्षीया अस्मिता कुमारी साह रहेका छन् । नेपाल प्रहरी, सशस्त्र प्रहरी बल र भन्सार कार्यालयका कर्मचारीसहित संयुक्त रूपमा खटिएको टोलीले भारतबाट नेपालतर्फ आउँदै गरेकी उनलाई उक्त रकमसहित फेला पारी पक्राउ गरेको हो ।

उनलाई आवश्यक कारबाहीका लागि आन्तरिक राजस्व अनुसन्धान कार्यालय इटहरी सुनसरी पठाइएको छ ।