काठमाडौं । बलिउडका मनपर्ने जोडी मध्ये करीना कपूर र सैफ अली खान पनि हुन् । तर हालै उनीहरू एक भिडियोका कारण ट्राेल भइरहेका छन् । विहिबार राती मलाइका अरोराकी आमाको जन्मदिन मनाएर फर्किएका उनीहरूकाे एक भिडियाे सार्वजनिक भएकाे छ।

सार्वजनिक भिडियाेमा सञ्चारकर्मीले फोटो माग्ने क्रममा सैफ उनीहरुमाथी खनिएका छन् । सञ्चारकर्मीले फोटो मागेपछि सैफले भनका छन्, ‘एक काम गर, हाम्रो बेडरूममा आऊ’। यो सुनेपछि सञ्चारकर्मीले उनीसँग माफी मागेका थिए । यसपछि दम्पतीले घरभित्र पसदै् ढोका बन्द गरेका छन्।

यो भिडियो सार्वजनिक हुनेबित्तिकै सामाजिक सञ्जालमा प्रयोगकर्ताहरूले आफ्नो कडा प्रतिक्रिया दिइरहेका छन् । एक प्रयोगकर्ताले लेखे, ‘फालतुको एटिट्यूड’ । त्यसैले अर्का प्रयोगकर्ताले लेखे, ‘उनीहरूको पछि दौडनु के आवश्यकता छ’।