आइतबार, मंसिर १४, २०८२

तनहुँमा व्यास खुला म्याराथन हुने

मेरोन्यूज २०७९ फागुन २३ गते २०:०९

तनहुँ । जिल्लाको व्यास नगरपालिकाको आयोजनामा अन्तर्राष्ट्रिय नारी दिवसको अवसर पारेर बुधबार बिहान तेस्रो महिला हाफ खुला म्याराथन हुँदैछ ।

उक्त म्याराथनमा भाग लिन ४६ धावकले नाम दर्ता गराएका छन् । उनीहरुलाई आज प्रशिक्षणसमेत दिइएको छ ।

म्याराथन दौडिने क्षेत्र व्यास ३ व्यासगुफादेखि व्यास ११ तनहुँसूरबारे उनीहरुलाई जानकारी गराइएको व्यासका सूचना प्रविधि अधिकृत विशाल पण्डितले जानकारी दिए ।

व्यास गुफादेखि सफासडक हुँदे तालघरे, मुसेखोला, घाँसीकुँवा, परासर मार्गको सेरा, बेलटारी, अर्चलचौर, धरमपानी हुँदै तनहुँसुर दरबार पुगेर दौड सम्पन्न हुनेछ ।

प्रतियोगितामा प्रथम हुने धावकले ४१ हजार, द्वितीयले ३१ हजार, तृतीयले २१ हजार तथा सान्त्वना पुरस्कार स्वरुप तीनजनालाई जनही ११ हजार प्रदान गरिने व्यास नगरपालिका नगरप्रमुख वैकुण्ठ न्यौपानेले जानकारी दिए । धार्मिक र ऐतिहासिक क्षेत्र जोड्न तथा पर्यटन प्रवर्द्धन गर्न नगरपालिकाले म्याराथनको आयोजना गर्दै आएको उनले बताए ।

प्रतिक्रिया