काठमाडौं । बलिउड अभिनेता रणवीर कपूरको फिल्म ‘तू झुठी मैं मक्कर’ हालै रिलिज भएको छ । फिल्ममा रणवीरसँगै श्रद्धा कपूर पनि मुख्य भूमिकामा छिन् ।

रणवीर र श्रद्धाको यो फिल्मले पहिलो दिनमै बक्स अफिसमा राम्रो कमाइ गरेको छ । भारतिय मिडियाका अनुसार फिल्मले पहिलो दिन अर्थात बुधबार लगभग १५.७३ करोड भारुको आसपासमा कमाई गरेको छ । योसँगै फिल्मको दोस्रो दिनको कमाइको तथ्यांक सार्वजनिक भएको छ ।

फिल्मले दोस्रो दिन १० करोड भारु कमाएको सार्वजनिक रिपोर्टमा बताइएको छ । योसँगै फिल्मको कुल कलेक्सन २५.७३ करोड भारु पुगेको छ । तर, पहिलो दिनको तुलनामा यो फिल्मको दोस्रो दिनको कलेक्सन भने घटेको छ ।