काठमाडौँ । एसीसी प्रिमियर कपमा टस हारेर पहिला ब्याटिङ गरेको नेपालले तेस्रो विकेट गुमाएको छ । १७ ओभर एक बलमा कप्तान रोहित पौडेल २३ रन बनाएर आउट भएका छन् । नेपाल १९ ओभरमा ६२ रन बनाएर खेलिरहेको छ ।

नेपालले एक रन पनि नबनाउँदै दुई विकेट गुमाएको थियो । नेपालले एक रन पनि नबनाउँदै ओपनर कुशल भुर्तेत र आसिफ शेखलाई गुमाएको हो ।

भुर्तेल दुई ओभर दुई बल र शेख ती ओभर चार बलमा आउट भएका छन् । नेपालले ती ओभर सकिदासम्म एक रन पनि बनाएको छैन ।

ओमानका कप्तान जिसन मक्सुदले टस जितेर पहिला फिल्डिङ रोजेसँगै नेपालले पहिला ब्याटिङ गरिरहेको छ । खेल कीर्तिपुरस्थित त्रिवि क्रिकेट मैदानमा बिहान ९ बजेबाट जारी छ ।

च्याम्पियनसिपको उपाधि दाबेदार नेपाल, ओमानलाई हराउँदै सेमिफाइनल प्रवेशको सम्भावना बलियो बनाउन चाहन्छ।

नेपाल आजको खेलमा विजयी भए समूह ए को विजेता बन्दै अन्तिम चारमा प्रवेश गर्ने सम्भावना बलियो रहन्छ। नेपालसँगै ओमानलाई पनि उपाधि दाबेदार टोलीका रुपमा हेरिएको छ।

पहिलो खेलमा नेपालले मलेसियालाई ६ विकेटले हराएको थियो।

नेपाल र ओमानबीचको यो खेलले एक दिवसीय मान्यतासमेत पाएको छ। नेपाल र ओमान दुवै ओडीआई मान्यता प्राप्त देश रहेकाले आईसीसीले यो खेललाई एक दिवसीय मान्यता दिएको हो।

यो खेल नेपालको ५०औँ ओडीआई खेल हो।