काठमाडौँ । नेपाल स्टक एक्सचेन्ज (नेप्से) परिसूचकमा आज दोहोरो अंकको गिरावट आएको छ । यो साता कारोबारको पहिलो दिन नेप्से परिसूचक १८ दशमलव ८० अंकले घटेर एक हजार आठ सय ८५.६० अंकमा कायम भएको हो ।

आज दुई सय ६५ कम्पनीका २७ लाख ३४ हजार तीन सय सात कित्ता शेयर ३१ हजार चार सय १५ पटक खरिद बिक्री हुँदा ८२ करोड ८५ लाख ३४ हजार बराबरको कारोबार भएको छ ।

जीवन बीमा समूहको आज उपसूचक ११८ दशमलव ७४ अंकले घटेको छ भने विकास बैंक समूहको उपसूचक ३५.९८ अंकले घटेको छ । बैँकिङ समूह १६.७१, वित्त समूह ३२.३० अंकले घटेको छ ।

कारोबार रकम र शेयर संख्यामा आज सबैभन्दा धेरै मोलुङ हाइड्रोपावर कम्पनी लिमिटेडको तीन करोड ११ लाख ९५ हजार बराबरको एक लाख २० हजार पाँच सय १२ कित्ता शेयर खरिद बिक्री भएका छन् ।