काठमाडौँ । मोरङमा प्रमुख जिल्ला अधिकारी तिर्थराज भट्टराईलाई गृह मन्त्रालयमा तानिएको छ । मन्त्रालयले भट्टराईलाई मन्त्रालय तानेर संखुवासभामा प्रमुख जिल्ला अधिकारी विरेन्द्र यादवलाई मोरङ पठाएको हो । मन्त्रीस्तरीय निर्णयबाट सोमबार त्यो निर्णय गरिएको मन्त्रालयले जनाएको छ ।

राष्ट्रिय परिचयपत्रमा अभिलिखित नागरिकका वैयक्तिक र जैविक विवरण रुजु गर्ने ठेक्का निजी कम्पनीलाई दिन बोलपत्र माग गर्ने प्रक्रियामा संलग्न तत्कालिन राष्ट्रिय परिचयपत्र तथा पञ्जीकरण विभागका महानिर्देशक भट्टराईलाई छानबिनका लागि मन्त्रालय तानिएको मन्त्रालय स्रोतले जनायो ।

भट्टराईमाथि सार्वजनिक खरिद ऐनविपरीत ७ दिने बोलपत्रबाट परिचयपत्रका जैविक र वैयक्तिक विवरण रुजु गर्ने ठेक्का निजी कम्पनीलाई दिएको आरोप छ ।

भट्टराईलाई मन्त्रालय तानेर उनको ठाउँमा संखुवासभाका प्रजिअ वीरेन्द्र यादवलाई पठाइएको छ । भट्टराई माघ १३ गते मोरङको प्रजिअ भएर गएका थिए ।