काठमाडौं । साताको पहिलो दिन आइतबार शेयर बजार घटेको छ । आज नेप्से परिसूचक १९ दशमलव ११ अंकले घटेर १,८७० दशमलव ६५ को विन्दुमा कायम भएको हो ।

आइतबार २६ कम्पनीको शेयर मुल्य बढेको छ भने १८९ कम्पनीको शेयर मुल्य घटेको छ । आज दिनभरिमा २७१ कम्पनीको ३२ लाख ६ हजार ४५० कित्ता शेयर किनबेच हुँदा ९५ करोड ४३ लाख २२ हजार रुपैयाँको शेयर कारोबार भएको छ ।

आज सबैभन्दा धेरै शिवम् सिमेन्टको शेयर कारोबार भएको छ । कम्पनीको ४ करोड २५ लाख रुपैयााको शेयर कारोबार भएको छ । त्यस्तै नेपाल इन्भेष्टमेन्ट मेगा बैंकको ३ करोड ५७ लाख रुपैयाँको शेयर कारोबार भएको छ ।