काठमाडौँ । यौन दुर्व्यवहार आरोपमा पक्राउ परेका मदन राईविरुद्ध जिल्ला अदालत खोटाङले सात दिन म्याद थपिदिएको छ । खोटाङको दिक्तेलस्थित ‘शुभद्रा मदन फाउन्डेसन’ (शुभम)का संस्थापक उनीविरुद्ध सात दिन म्याद थप भएको हो ।

जिल्ला प्रहरी कार्यालय खोटाङका अनुसार शुभम फाउन्डेसनमा ७ वर्ष बसेर पढेकी १६ वर्षीया किशोरीले यौन दुर्व्यवहारको अभियोगमा ७५ वर्षीय राईविरुद्ध जाहेरी दिएकी थिइन् ।

राईलाई आज अदालत उपस्थित गराई म्याद थप गरेर अनुसन्धान अनुमति लिइएको हो । अहिले उनी जिल्ला प्रहरी कार्यालयको हिरासतमा छन् ।

जाहेरी दिने किशोरीले राईविरुद्ध पटकपटक शरीरमा हात हालेको, यौन सम्पर्क गर्न सिकाइदिन्छु भन्ने गरेको, आफ्नो गुप्तांग देखाएर छुन लगाएकोलगायत आरोप लगाएकी छन् ।